Dikush me të drejtë ka thënë se parandalimi i anemisë është kura më e mirë. Në mënyrë që të shmanget mungesa e hekurit, që krijon më pas anemi, ju duhet të siguroni që të keni një dietë të shëndetshme dhe ekuilibruar, shkruan arbresh.info.

Vitamina B12, vitamina C dhe acidi folik luajnë rol të rëndësishëm në prodhimin e qelizave të kuqe. Këto vitamina mund t’i siguroni edhe duke e pasuruar dietën tuaj me këto ushqime.

Vitamina B12 është e pranishme në produktet e mishit, peshkut apo në produktet e qumshtit. Vegjetarianët duhet të marrin suplemente të vitaminës B12 më qëllim për të ruajtur ekuilibrin e trupit.

Acidi folik gjendet në të gjitha perimet jeshile, në bizele jeshile, portokall dhe në pjepër.

Ndërsa, vitamina C gjendet në portokall, luleshtydhe, kivi, guava, papaja, ananas, shalqi dhe në mango.  Burimi i kryesor i vitaminës C është limoni, prandaj sugjerohet që të paktën një herë në ditë të pihet lëng limoni. /Arbresh.info